انا ساحر بقلم الشاعر اسامة جديانة

نا ساحر

ويصحبني ألف جان

بنظرة عين اخلي

البحرالهادي يبقى طوفان

وبإيدي احرك الجدران

وبإشارة العصفورة

تبقى أبو قردان

دخللي شيخ لابس عمه

قالي توب ياغلبان

صابني الرعب من نظراته

وصابني الفكر والتوهان

حاولت اعمل عليه لعبه

واحرك الحبل كالثعبان

ضحك واستهزأ بيا

وقرأ آيات القرآن

فضلت اصرخ وصابني الرعب

وكأني اصبت بالهزيان

قالي اتق الله

وابعد عن وساوس الشيطان

ناديت الجان ما نجوني

فضلت فى حضرته حيران

حاول ينصحني ويذكرني

وانا منه كتير قلقان

قرألي سورة الرحمن

وقالي اطلب من ربك الغفران

طلبت السماح من ربي

ياربي انا دجال غلبان

ياما ظلمت ونصبت

وكان كله شغل شيطان

دي تقوة الله باب الجنه

وللدجال لظى النيران