شهادة ميلاد علاء عواد المصري
شهادة ميلاد
سجل بدموعك كل سنين الحزن وقول
قول الحق ولا تدورشي. علي تبرير
انت بتعشق ليه ف الدنيا
تعذب نفسك
ليه بتحب الناس الدانيه تكسر حلمك
اسأل نفسك كدة لو مره
ليه بتحب تعيش حلمك جوة الحضن الخاين دايما
ليه بتزل طموحك فيك
ليه بتبيع ف براءتك بايدك
انت بتسمع ولا بتفهم
ولا في عمرك ماهتتعلم
عمرك عدي وراح مارجعشي
حاول تقرا قول كده بعدي
اسمي اسمي اسمي علاء
قول ماتخافشي انت علاء عواد الشاعر
يمكن واحد يطلع شبهوا
نفس ملامحه
نفس الحزن النايم جوه عنيه
نفس كلامه
نفس شعوره
نفس الوحده ال عايش فيها
نفس اصحابه
نفس هدومه
يمكن حاجه ف شكله اختلفت
يمكن يمكن يمكن خالص
بس ياصاحبي دة هو علاء
شوف كده دور فتش اعرف
نفس براءة طفل صغير
نفس صياعه واد م السيس
نفس رزانة راجل جدا
كده مش فاكر بردوا
يالل بتنده انت ياخينا
عاوز مين. عاوز مين
رد اتكلم ليه كده واقف. رد عليا
اصل انا ديما اشوفك واقف
نفس الوقفه.
بص هقولك
كان هنا عايش واحد صاحبي
نفس ملامحه ونفس كلامه
نفس ونفس ونفس ونفس
ايوة دا بسسسسس
دا صاحبك مات
كان هنا شاعر فعلا عايش
بس ده مات
مات
مات ازاى لا ده مامتشي
انا متأكد
كان هنا قاعد. مات ازاي
كان بيسافر يمكن ديما مع احلامه
كان بيلملم كل احساسه وييا ورقته
ووييا قلامه
كان بيحاول ديما يزرع ف الافراح
عمره ف مره ما فكر لحظه يكون مرتاح
كان احزان الناس تقلعها وتعلقها من فوق راسه
ويعيش بيها
بعد ده كله تقولي دا مات
لا ده مامتشي ولا هيمتشي
اوعي تقول من تاني ده مات اوعي تقول من تاني ده مات
تعليقات
إرسال تعليق