بين سطور بوحي عبد الهادي ابو ياسر حنيف
بين سطور بوحي
قطرت جراحي
و من قطرات دموعي
كتبت كلمتي
لي خرجت من داتي
و هيجتي سكاتي
كتبت كلمتي
على ورقة بياضها
صافي
و تسمع غواتي
فاض مدادي
و تسرسب هواد
تملص كلامي
زمم فلامي
سرح بوحي
يداوي الروح
بريشة جناحي
كتبت حكايتي
لي تنخضت
فشكوة الهم
خرجت فرارت لفقصة
و في ڭلوش لعداب
رابت وقاتي الحايلة
أنا حرف
من ديك الكلمة
لي كتبها الخاطر
بمداد التنهيدة
أنا كلمة
من ديك لقصيدة
لي زهرها غبر
انا قصيدة
من داك البوح
لي خرج غوتة
أكتب يالقلم
أكتب سطر
بالدمعة
لي نازلة تڭطر.
أكتب سطر
بمداد لوقت
لي مزال يعصر
عبدلهادي أبو ياسر حنيف
تعليقات
إرسال تعليق