قلبي ملايكي احمد عفيفي

قلبى الملايكى..أنسنـوه
شدُّوه من الجنّة.ورموه
ع الأرض
دخل الفزع روحى..
وقلبى اتخض
عضً الوجع غضاريفى/
دوبــت!
**
اتلحلحى شويًه وكونى
طوق نجااااه
اتمشّى جوّايا وشوفى
وقولى:آااااه
**
قلبى ملايكى
وفـيه غرامك,هدهديه /
وادَّفّـى بـيه
وانزعى شوك الضنا
من نن عينى/
وم تكونيش فيّه:انتقام
**
اتلححلى..
انا مش فراولة الهوس
اللى ماشى مش انا
جرّبت أطبًش فى هياج
بحرِك..غرقت,
م بانـشـى غير راســى!
اتلحلحى وحُطّى المراسى
انا طالب الهـدنـه
لهفى/ وشوق الليالى
مسمّع الـمـدنـه
لِـمِّى بـواقـيـًـا وتـعـالـى
ننفرد,ف الشمـس
ف ايـديـنـا ننسى اليـأس/,
ونحاول نعيـش
م تبعـتريش قصـتـنـا ف/
الـتـوهـه
م تفسريش حكايتا.للعرّاف
ايـه يعنى شاف ع الكـفً:
قصّتـنا
ايه اللّى فيهـا ؟
ف داهيه.حضرة العرًاف!