انتي الي هالروح عازار الريم

......قطفة حبق ........

       ............انتي إلي هالروح...........

شعر باللغة المحكية

بعد مالكون يهدا والضجيج يروح

                             بجيبك لعندي تغسلي همومي

شوفي العشب ندى و الورد مجروح

                           دافق جراحو مسك ....تتعومي

كرمال عينك صار الفضا مشروح

                            عجنان فيها الخمر..م كرومي

مشي معي ولا تلفظي ما بروح

                      الروح بعدك من الافراح محرومي

و تبلسمي لوحات ...كلا جروح 

                      صارت عكل الروح........مرسومي

انتي شو انتي؟؟؟ انتي الي هالروح

                و الجسم بغيابك ......تحول ل كومي

اذا الناس لامت........لومها مسموح

                    غيرة..و نكد....و قلوب.... مهمومي

وعمغازل الوديان....صار البوح

                           يغزل عباية حب......منظومي

و تاتنعمي ..قلبي الك مفتوح

                   فيه اسكني.....و اقعدي ..و قومي..

عازار الريم سورية